Utoplec
Przez Krampa płynie połra kszipopek. Jest sam połra stawów. I przi tich stawach
piyrwi ludzie stawiali młyny. Jedyn taki młyn stoi do dzisiej. Ale kedyś to
były taky fest wiely młyny- tam se musiała zmiejścić mąka dloł połru wiosek.
A w takich młynach przesiadywali czynsto utopcy. To były taky stworzynia- choćby
chopi, yno mańksi, cali czerwoni po gambie wosy mieli dycki postawiony do góry
i niepoczesany, ranki mieli dycki zimny i fest dugy pazury. A ty utopcy w dziyń
ukrywały se bele kaj, w nocy wyłajziyli i przewrołcali miechy ze zbożym, przesztalowali
maszyny- byle yno na złojść zrobić. Rołz w jednym takym młynie właściciel se
znerwowoł, zebroł ludzi i przeszukali całi młyn, chyciyli utopca i jygo dugy
pazury pszimocowali do szrałbsztoka, a potym lołli go wodom świynconom. Utopcy
choćby diołbły se wody świynconej bołli. Tak dugo go lołli, aż utoplec pedzioł,
że wiynci tam nie pszidzie. Wypujściyli go- wylecioł i wskoczoł do stawu i już
go tyż wiynci nie widzieli w młynie. Ale my wiymy, że łon tam jest, bo niekedy
rano na ziymi wele mostka widać jygo ślady.